Nous présentons...
Arthur KAUFFMAN

  • Sungas
  • GNToitures
  • logo grober
  • Logo HilbertConstructions
  • logo kichechef
  • logo kirsch
  • logo luxmotor
  • logo raiffeisen
  • Lucas new test
  • logo studio3
  • RoyalAuto
  • Peinture Paul Theis
  • Cars Benelux
  • logo Total
  • Clausel
  • LOGO CROCCANTE WEB
  • LOGO ären hauswierker

Red Lion Ladies op JPEE an Montenegro

Dës Woch fannen an Montenegro d'Spiller vun den klengen europäeschen Staaten (JPEE/GSSE) statt, wou eis lëtzebuerger Hären- an Dammenéquipen souwuel am Indoor-, wei och am Beachvolleyball em d'Goldmedaille kämpfen. Lass geet et en Dënsden den 28. Mee um 13 Auer fir eis Red Lion Ladies, sie spillen hieren 1. Match géint San Marino. Déi aaner Géigner vun eisen Dammen sinn Liechtenstein, Island, Montenegro an Zypern.

Och den VC Stengefort ass op der Säit vun der Dammennationaléquipe vertrueden, dëst duerch d'Yana FELLER! Mir wënschen dem Yana an der ganzer Equipe bonne Chance an drécken hinnen fest d'Daumen, dass sie d'Goldmedaille kënnen mat zréck op Lëtzebuerg bréngen!

 

(Foto: Christian KEMP)

 

Print Email

D'Aschreiwen fir eis Beach-Tournoi'en ass op !

Ab elo kennt dir iech fir eis verschidden Beach-Tournoi'en aschreiwen.

Dëst Joer bidde mir iech folgend Tournoi'en un:

15.06. - Tournoi 4x4 loisir (max. 1 Lizenséierten)

16.06. - Tournoi 4x4 loisir (max. 1 Lizenséierten)

13.07. - Tournoi 4x4 loisir (max. 1 Lizenséierten)

14.07. - Tournoi 4x4 loisir (max. 1 Lizenséierten)

17.08. - Tournoi 2x2 licenciés mixte

Schreift iech schnell an iwwer d'Rubrik "Beach" hei op eisem Site.

Mir freeën eis op flott, hoffentlech sonneg Deeg mat iech.

Print Email

Dammenmatch ofgesoot

Mir mussen leider matdeelen, dass den Match vun eisen Dammen géint den VC Stroossen, opgrond vun Waasser an der Stroossener Haal, misst ofgesoot ginn. Wéini den Match nogeholl gëtt, steet aktuell nach net fest. Mir haalen Iech um Laafenden!

Print Email

Baggers de Bal Tombola-Gewënner

D'Lousfee huet hier Aarbecht gemaach an 3 Gewënner fir eis Tombola vum Baggers de Bal gezunn.

Déi glécklëch Gewënner sinn:

1. Präis (100): N° 0113

2. Präis (75): N° 0288

3. Präis (50): N° 0408

Wann dir een vun dësen 3 Ticketen hutt, hutt dir bis den 31.12.2018 Zäit ären Gewënn anzeléisen. Mellt iech dofir einfach beim Guy Erpelding (Tel.: 661700513).

Print Email

Resulater vum Weekend (10. & 11.11.)

Et war en ereignisräichen Weekend fir eis Stengeforter Equipen. Niewt dem Baggers de Bal, deen wéi all Joërs nees en groussen Succès war, stoung den Championnat um Programm. Eis Dammen 1 waren auswärts beim VC Mamer am Asaatz. Eis Hären 1 hunn den VB Iechternach am Match vun deenen 2 Opsteiger empfaangen. Hei en Iwwerbléck vun den Resultater:

 

NLD: VC Mamer - VC Steinfort 1-3 (16:25 ; 22:25 ; 25:23 ; 18:25)

No den 2 Défaiten géint den CHEV Diekrech an d'Résidence vun Walfer wollten eis Meedecher auswärts beim VC Mamer onbedéngt 3 Punkten matheem huelen. Sie weisen vun Ufank un an wéieng Richtung sëch dësen Match entwéckelen sollt. Ouni d'Cécile Hory, daat krankheetsbedéngt net konnt dobäi sinn, mee dofir mam Lisa Hutmacher an der Mëtt, iwwerzeegen eis Meedecher virun allem duerch hiert staarkt Ugrëffsspilll. Dorop haaten déi Mamer Dammen am Ufank keng Äntwert parat, sou dass eis Meedecher sëch eng kleng Avance erausspillen konnten. Déi sollten sie sëch bis zum Schluss neméi huelen loossen an gewannen den Saatz schlussendlech däitlech mam Score vun 25:16.

Sou sollt et och am 2. Saatz weidergoën. Eis Meedecher maachen weiderhin vill Drock, deen an Kombinatioun mat wéineg eegenen Feeler fir en klengen Virsrpong suergt. Géint Enn vum 2. Saatz schläichen sëch dann e puer Feeler an daat Stengeforter Spill. Déi Mamer Dammen kommen nach eng Kéier verdächteg no erun, iert eis Meedecher den Saack zoumaachen an den Saatz mat 25:22 gewannen.

Daat Ganzt koum dunn awer nach eng Kéier kräfteg un d'Wackelen, nodeems eis Dammen ab dem 3. Saatz hunn missen op d'Kelly Schmit verzichten. D'Michelle Clemen hëllt seng Positioun an der Attaque an. Déi Mamer Dammen wollten hier Chance tentéiren an fänken mat vill Drock um Service un. D'Localéquipe kann sëch eng kleng Avance erausspillen, allerdéngs haalen déi gudd opgeluechten Yana Feller an Silvana Dascalu eis Meedecher an Schlaagdistanz. Den Schluss vun dësem Saatz versprëcht vill Spannung. Um Enn sinn et dann ze vill eegen Feeler op Stengeforter Säit, an déi Mamer Dammen sëcheren sëch den Saatz knapp mat 25:23. Iergerlëch fir eis Meedecher, mee net onverdéngt aus Mamer Siicht.

Am 4. Saatz fannen eis Meedecher dann hier Liichtegkeet aus dem 1. an 2. Saatz nees rem, sou dass déi Mamer Dammen et schwéier kreien. D‘Localéquipe haat deem neméi vill entgéint ze setzen, sou dass eis Meedecher sech hier Avance nët mei huelen gelooss hunn. Sie gewannen den 4. Saatz mat 25:18 an den Match mat 3-1. Trotz dem Saatzverloscht eng gudd Leeschtung vun eisen Meedecher déi an der Tabell op déi 5. Plaatz klammen, nodeems den VC Stroossen parallell zu Diekrech mat 0-3 verléiert.

Nächsten Samsden ass dann den V80 Péiteng den Géigner vun eisen Meedecher. Den Match gëtt um 19:30 Auer zu Stengefort ugepaff. Et ass een wichtegen Match fir eis Dammen, bei deem sie all Ënnerstëtzung gebrauchen kënnen. Kommt sie alleguer op Stengefort ufeieren!

 

D1H: VC Steinfort - VB Echternach 3-0 (28:26 ; 26:24 ; 25:20)

En wichtegen Match stoung fir eis Stengeforter Hären um Programm, sie haaten den VB Iechternach op Besuch. An dësem Match stoungen sëch also déi 2 Opsteiger aus der 2. Divisioun géigeniwwer, an béid Equipen wollten déi 3 Punkten onbedéngt fir sëch hunn. No der Victoire géint den V80 Péiteng virun 2 Wochen waren eis Jongen voll motivéiert fir dës Missioun an Ugrëff ze huelen. Déi Iechternacher haaten allerdéngs déi nämlecht Intentioun, an hunn vun Ufank un Vollgas ginn. En extrem dichten Block deen kaum direkt Punkten zougelooss huet, sou wéi e staarken Service huet deenen Iechternacher zu engem klengen Virsprong verhollëf, deen och iwwert d'Dauer vum Saatz unhaalen sollt. Eis Jongen haaten Problemer an den Match ze fannen, d'Motivatioun huet sie allerdéngs ugedriwwen, an sou konnten sie eenegermoossen drubleiwen. Beim Stand vun 24:21 haaten d'Gäscht dann 3 Sätzbäll, konnten allerdéngs keen dovun verwerten, an eis Hären konnten ausgläichen. No kuerzem Hin- an Hier konnten eis Hären hieren 2. Saatzball notzen, an den Saatz domat mam Score vun 28:26 fir sëch entscheeden.

Ween hei gemengt huet, déi Iechternacher géingen sech dovun beandrocken loossen, deen haat d'Rechnung ouni sie gemaach. Sie fueren do weider wou sie géint Enn vum 1. Saatz opgehaal haaten. Et huet een quasi eng Copie vum 1. Saatz gesinn, eis Hären haaten weiderhin Schwieregkeeten mat der Receps, an hunn sëch d'Liewen mat villen eegenen Feeler weiderhin selwer schwéier gemaach. Allerdéngs konnten eis Jongen sëch am Spill haalen, well deen Iechternacher Block nemei sou staark war, wéi daat nach am Ufank den Fall war. Et koum zu engem serréierten Saatzenn, wou déi Iechternacher sëch weider schwéier doën, déi wichteg Punkten ze maachen. Eis Hären hunn beim Score vun 25:24 een éischten Saatzball, an kënnen deen och direkt notzen no engem Block vum Relu Vlaicu.

Déi Iechternacher konnten engem baal leed doën, 2 Sätz laang hunn sie extrem gudd dogéint gehaalen, mussen sëch allerdéngs bei der eegener Nues huelen, well sie an der wichteger Phase net konsequent genuch waren.

Am 3. Saatz wollten eis Jongen dunn näischt méi ubrennen loossen. Endlëch fannen sie zu hierem Spill, an eng mental geschwächten Iechternacher Equipe haat deem net méi vill entgéint ze setzen. Séier koum eng däitlech Avance zustaanen. Beim Score vun 24:15 haaten eis Männer deen éischten Saatzball, mee no enger Reih vun blöden Feeler war et dunn schlussendlech deen 6. Saatzball deen fir d'Entscheedung gesuergt huet. Deen 3. an décisiven Saatz geet mat 25:20 un eis Jongen, déi den Match domat mat 3-0 gewannen.

An der Tabell stinn sie domat mat 6 Punkten aus 3 Matcher op der 4. Plaatz. Nächsten Samsden sinn eis Jongen dann beim VC Belair 2 op Besuch. Dësen Match gëtt um 15:30 Auer ugepaff.

 

D1D: VC Lorentzweiler - VC Steinfort 2 3-0 (25:16 ; 25:19 ; 25:11)

D3D: VC Steinfort 3 - VB Amber-Lënster 0-3 (18:25 ; 14:25 ; 20:25)

D2H: VC Steinfort 2 - VC Strassen 2 (Verluecht)

 

En groussen MERCI geet wéi ëmmer un all eis Supporter déi eis Equipen dësen Weekend nees ënnerstëtzt hunn!

Print Email

  • Sungas
  • GNToitures
  • logo grober
  • Logo HilbertConstructions
  • logo kichechef
  • logo kirsch
  • logo luxmotor
  • logo raiffeisen
  • Lucas new test
  • logo studio3
  • RoyalAuto
  • Peinture Paul Theis
  • Cars Benelux
  • logo Total
  • Clausel
  • LOGO CROCCANTE WEB
  • LOGO ären hauswierker